شناور کو بچانا چاہیئے تھا

شناور کو بچانا چاہیئے تھا

ندی کو ڈوب جانا چاہیئے تھا

نہیں ڈھکنا تھا تم کو آئنے کو

تمہیں چہرہ چھپانا چاہیئے تھا

اڑایا کس لئے تم نے پرندہ

تمہیں پنجرہ اڑانا چاہیئے تھا

تمہیں پا کر بھی یہ لگتا ہے ہم کو

تمہیں کچھ اور پانا چاہیئے تھا

وہاں جا کر نظر تم نے اٹھائی

جہاں پر سر جھکانا چاہیئے تھا

انہوں نے صبح مانگی تھی نئی کیوں

جنہیں سورج پرانا چاہیئے تھا

میں کر سکتا ہوں یہ دعویٰ تھا جن کا

انہیں کر کے دکھانا چاہیئے تھا

وہ اک قصہ پہ راضی ہو گیا تھا

ہمیں پورا فسانہ چاہیئے تھا

نظامت کے ذرا آداب سیکھو

تمہیں مصرع اٹھانا چاہیئے تھا

shanaor ko bachana chahiye tha

nadi ko dub jana chahiye tha

nahin dhakna tha tum ko aine ko

tumhen chehra chhupana chahiye tha

uraya kis liye tum ne parinda

tumhen pinjra urana chahiye tha

tumhen pa kar bhi ye lagta hai ham ko

tumhen kuchh aur pana chahiye tha

wahan ja kar nazar tum ne uthai

jahan par sar jhukana chahiye tha

unhon ne subh mangi thi nai kyun

jinhen suraj purana chahiye tha

main kar sakta hun ye daawa tha jin ka

unhen kar ke dikhana chahiye tha

wo ik qissa pe razi ho gaya tha

hamen pura fasana chahiye tha

nizamat ke zara adab sikho

tumhen misra uthana chahiye tha