ارادے نیک ہیں نیت کھری ہے

ارادے نیک ہیں نیت کھری ہے

تمہاری جیب پھر کیسے بھری ہے

تمہیں پڑ جائے گی اس کی بھی عادت

ابھی اک بار ہی غیرت بھری ہے

ادا لیلیٰ کی ٹونا ٹوٹکا ہے

محبت قیس کی جادوگری ہے

وہ کہتے ہیں کہ کوزہ گر بڑا ہے

میں کہتا ہوں بڑی کوزہ گری ہے

شکن چہرے کی کر دیتی ہے غائب

تری مسکان جیسے استری ہے

نظر کے ہارتے ہی دل بھی ہارا

مری اک دن میں غلطی دوسری ہے

ہمارے عشق کا آیا دسمبر

تمہارا روپ اب بھی جنوری ہے

محبت کاہلی میں کی تھی ہم نے

ابھی تو دس سے چھ کی نوکری ہے

irade nek hain niyyat khari hai

tumhari jeb phir kaise bhari hai

tumhen par jaegi us ki bhi adat

abhi ik bar hi ghairat bhari hai

ada laila ki tona totka hai

mohabbat qais ki jadugari hai

wo kahte hain ke kuza gar bara hai

main kahta hun bari kuza giri hai

shikan chehre ki kar deti hai ghaib

tiri muskan jaise istiri hai

nazar ke harte hi dil bhi hara

miri ik din mein ghalati dusri hai

hamare ishq ka aya disambar

tumhara rup ab bhi janwari hai

mohabbat kahili mein ki thi ham ne

abhi to das se chhe ki naukri hai