میں یوں ہی مسکرانے کے بہانے ڈھونڈ لیتا ہوں

میں یوں ہی مسکرانے کے بہانے ڈھونڈ لیتا ہوں

میں کافر ہوں خدا کے در کبھی سجدہ نہیں کرتا

مگر میں سر جھکانے کے بہانے ڈھونڈ لیتا ہوں

کوئی بھی کھیل ہو میں احتیاط اتنی برتتا ہوں

میں پہلے ہار جانے کے بہانے ڈھونڈھ لیتا ہوں

نہیں دکھتا ہے مجھ کو ٹھیک سے اب دور کا کہہ کر

ترے نزدیک آنے کے بہانے ڈھونڈ لیتا ہوں

میں اس کے در پہ جا کر مانگتا ہوں ہاتھ جب تیرا

خدا کو آزمانے کے بہانے ڈھونڈ لیتا ہوں

تری محفل میں آتا ہوں پہن کر دھوپ کا چشمہ

نظر تجھ پر ٹکانے کے بہانے ڈھونڈ لیتا ہوں

میں لا مذہب ہوں لیکن ہے عقیدہ عید پر میرا

گلے تجھ کو لگانے کے بہانے ڈھونڈ لیتا ہوں

ہے مقصد یہ کہ لوگوں کے کلیجوں کو ملے ٹھنڈک

میں اپنا دل جلانے کے بہانے ڈھونڈ لیتا ہوں

بہت زوروں سے ہنس پڑتا ہوں میں بن بات کے اکثر

میں یوں آنسو بہانے کے بہانے ڈھونڈ لیتا ہوں

main yun hi muskurane ke bahane dhund leta hun

main kafir hun khuda ke dar kabhi sajda nahin karta

magar main sar jhukane ke bahane dhund leta hun

koi bhi khel ho main ehtiyat itni baratta hun

main pahle har jane ke bahane dhundh leta hun

nahin dikhta hai mujh ko thik se ab dur ka kah kar

tire nazdik ane ke bahane dhund leta hun

main us ke dar pe ja kar mangta hun hath jab tera

khuda ko azmane ke bahane dhund leta hun

tiri mahfil mein ata hun pahan kar dhup ka chashma

nazar tujh par tikane ke bahane dhund leta hun

main la mazhab hun lekin hai aqida eid par mera

gale tujh ko lagane ke bahane dhund leta hun

hai maqsad ye ke logon ke kalejon ko mile thandak

main apna dil jalane ke bahane dhund leta hun

bahut zoron se hans parta hun main ban bat ke aksar

main yun ansu bahane ke bahane dhund leta hun