اس مسافت میں کتنے در گزرے

اس مسافت میں کتنے در گزرے

تیری منزل سے ہم کدھر گزرے

تھے مسافر سفر جچا نہ جنہیں

قافلے ان پہ رات بھر گزرے

میری آنکھوں کو چھوڑنے والے

میرا دروازہ بند کر گزرے

رات پابند ہے تو دن بخشو

آ بھی جاؤ کہ دوپہر گزرے

بد گمانی سے کیا بچیں گے ہم

بد گمانی جو آپ پر گزرے

کیا گزرتی رہی گزرنے تک

اور گزرے تو بے اثر گزرے

بزم ہستی میں یار عامرؔ خاں

مرنے آئے تھے اور کر گزرے

is masafat mein kitne dar guzre

teri manzil se ham kidhar guzre

the musafir safar jacha na jinhen

qafile un pe rat bhar guzre

meri ankhon ko chhorne wale

mera darwaza band kar guzre

rat paband hai to din bakhsho

a bhi jao ke dopahar guzre

bad gumani se kya bachenge ham

bad gumani jo ap par guzre

kya guzarti rahi guzarne tak

aur guzre to be asar guzre

bazm-e-hasti mein yar amir khan

marne ae the aur kar guzre