ناروا ثبت کیا کن کا اشارہ کر کے

ناروا ثبت کیا کن کا اشارہ کر کے

دیکھنا ہے یہ تماشا بھی دوبارہ کر کے

حق پسندی نے کہاں چین دلوں کو بخشا

لوگ امید پہ آئے تھے سہارا کر کے

مصلحت پا کے مؤرخ نے کیا دفن اسے

لوگ خوش تھے انہیں یادوں پہ گزارا کر کے

چند تاجر ہیں کچھ عاشق ہیں اور اک دو شاعر

دل کے بازار میں بیٹھے ہیں خسارہ کر کے

اک لقب دے کے اسے نام و نشاں چھین لیا

عشق کا قیس نے یہ نقش ابھارا کر کے

کب لکھے سے ہی ہوا کوئی کسی کا عامرؔ

آپ خود کے بھی ہوئے خود کو گوارہ کر کے

narawa sabt kiya kin ka ishara kar ke

dekhna hai ye tamasha bhi dobara kar ke

haq pasandi ne kahan chain dilon ko bakhsha

log ummid pe ae the sahara kar ke

maslahat pa ke muarrikh ne kiya dafn use

log khush the unhen yadon pe guzara kar ke

chand tajir hain kuchh ashiq hain aur ik do shayar

dil ke bazar mein baithe hain khasara kar ke

ik laqab de ke use nam-o-nishan chhin liya

ishq ka qais ne ye naqsh ubhara kar ke

kab likhe se hi hua koi kisi ka amir

ap khud ke bhi hue khud ko gawara kar ke