Arooz is now on the App Store, for iPhone and iPad. Download →

All poetry

ستاروں کی گنتی ہے ہم جانتے ہیں

Aamir Azher (b. 1989)

ستاروں کی گنتی ہے ہم جانتے ہیں

ابھی رات باقی ہے ہم جانتے ہیں

یہ شہرت مجازی ہے ہم جانتے ہیں

کہ ہے بھی نہیں بھی ہے ہم جانتے ہیں

بہت ساری اچھی سی خوش فہمیوں کی

جو قیمت ادا کی ہے ہم جانتے ہیں

گلستاں نظارے درخت اک محرم

جو دل پہ گزرتی ہے ہم جانتے ہیں

یہ زلف خیال خطا ہے نہ کھولو

یہ کھل کر جو کرتی ہے ہم جانتے ہیں

یہ ذات خدا ہے یہ دکھتی ہے دیکھو

مگر کس نے دیکھی ہے ہم جانتے ہیں

بیک وقت ضبط و ہوس کر کے عامرؔ

طبیعت جو بگڑی ہے ہم جانتے ہیں