بہت مشکل کی خواہش کو کبھی آساں نہیں دیکھا

بہت مشکل کی خواہش کو کبھی آساں نہیں دیکھا

نیا انساں بنانے میں کوئی انساں نہیں دیکھا

وہاں برسات دیکھی ہے جہاں امکاں نہیں دیکھا

ابھی تک اس پر امیدی نے ریگستاں نہیں دیکھا

گماں گزرے تعلق پر کہ جب ترک تعلق پر

مجھے رونا نہیں آیا اسے حیراں نہیں دیکھا

اگرچہ دیکھتے رہتے ہیں پر دیکھا نہیں جاتا

کئی ویرانیاں دیکھی ہیں گھر ویراں نہیں دیکھا

نگاہیں ساری ان پہ ہیں تعجب سارا ہم پہ ہے

تو کیا سچ میں نہیں دیکھا ارے ہاں ہاں نہیں دیکھا

نظر تم نے گنوا دی ہے مگر آنکھیں تو باقی ہیں

بہت ممکن ہے تم نے بھی رخ جاناں نہیں دیکھا

bahut mushkil ki khwahish ko kabhi asan nahin dekha

naya insan banane mein koi insan nahin dekha

wahan barsat dekhi hai jahan imkan nahin dekha

abhi tak us par ummidi ne registan nahin dekha

guman guzre taalluq par ke jab tark-e-taalluq par

mujhe rona nahin aya use hairan nahin dekha

agarche dekhte rahte hain par dekha nahin jata

kai wiraniyan dekhi hain ghar wiran nahin dekha

nigahen sari un pe hain taajjub sara ham pe hai

to kya sach mein nahin dekha are han han nahin dekha

nazar tum ne ganwa di hai magar ankhen to baqi hain

bahut mumkin hai tum ne bhi rukh janan nahin dekha