بدن اتار کے کپڑے بدل رہا ہے کوئی

بدن اتار کے کپڑے بدل رہا ہے کوئی

نئی سرشت پہن کر نکل رہا ہے کوئی

قدم قدم پہ اندھیرا بھی بڑھتا جاتا ہے

گمان ہوتا ہے پیچھے بھی چل رہا ہے کوئی

یقین ہی نہیں آتا وہ کیسے بول پڑا

مرا خیال تھا بس وہم پل رہا ہے کوئی

بڑا گمان ہے وعدوں پہ ٹال رکھا ہے

حضور آپ کے ٹالے سے ٹل رہا ہے کوئی

میں اپنی ذات میں اترا تو میں نے یہ دیکھا

بہت خموشی سے باہر نکل رہا ہے کوئی

تماشہ آدھا ادھورا ہے دیکھیے عامرؔ

تصورات کو آنکھوں پہ مل رہا ہے کوئی

badan utar ke kapre badal raha hai koi

nai sarisht pahan kar nikal raha hai koi

qadam qadam pe andhera bhi barhta jata hai

guman hota hai pichhe bhi chal raha hai koi

yaqin hi nahin ata wo kaise bol para

mira khayal tha bas wahm pal raha hai koi

bara guman hai waadon pe tal rakha hai

huzur ap ke tale se tal raha hai koi

main apni zat mein utra to main ne ye dekha

bahut khamoshi se bahar nikal raha hai koi

tamasha adha adhura hai dekhiye amir

tasawwurat ko ankhon pe mil raha hai koi