آپ ہیں کیا ملک صفت آپ ہیں کیا پتا نہیں

آپ ہیں کیا ملک صفت آپ ہیں کیا پتا نہیں

ہم تو گناہ گار ہیں ہم کوئی پارسا نہیں

زندگی آدمی کی جب حلقۂ خیر و شر میں ہے

کیسے کہیں یہ آپ سے ہم سے ہوئی خطا نہیں

وہ تو ہر ایک شے میں ہے غور سے دیکھیے اگر

کس کی مجال ہے یہاں جو یہ کہے خدا نہیں

کی ہیں بصیرتیں عطا علم دیا ہنر دیا

کیا یہ ہمارے حال پہ رحمت کبریا نہیں

اس نے کیا خوشا مجھے دولت فقر سے غنی

اب کوئی آرزو نہیں اب کوئی مدعا نہیں

خالق بے نیاز کا ہم سے نہ حق ادا ہوا

حق ہے کہ ہم سے بے خبر وہ تو کبھی ہوا نہیں

جو بھی ہمارے پاس تھا اس پہ نثار کر دیا

نذر کریں تو کیا کریں کچھ بھی تو اب بچا نہیں

نعمتیں بے حساب دیں اس نے ہر ایک شخص کو

رحمت کردگار کی حد نہیں انتہا نہیں

اپنے ہوں یا پرائے ہوں سب ہی ہمارے ساتھ ہیں

آج خدا کا شکر ہے ہم سے کوئی خفا نہیں

دیکھیں اگر قریب سے کم نہیں وہ حبیب سے

شکل سے وہ برا سہی یاسؔ مگر برا نہیں

ap hain kya mulk sifat ap hain kya pata nahin

ham to gunah gar hain ham koi parsa nahin

zindagi admi ki jab halqa-e-khair-o-shar mein hai

kaise kahen ye ap se ham se hui khata nahin

wo to har ek shai mein hai ghaur se dekhiye agar

kis ki majal hai yahan jo ye kahe khuda nahin

ki hain basiraten ata ilm diya hunar diya

kya ye hamare hal pe rahmat-e-kibriya nahin

us ne kiya khusha mujhe daulat-e-faqr se ghani

ab koi arzu nahin ab koi muddaa nahin

khaliq-e-be niyaz ka ham se na haq ada hua

haq hai ke ham se be khabar wo to kabhi hua nahin

jo bhi hamare pas tha us pe nisar kar diya

nazr karen to kya karen kuchh bhi to ab bacha nahin

nematen be hisab den us ne har ek shakhs ko

rahmat-e-kirdagar ki had nahin intiha nahin

apne hun ya parae hun sab hi hamare sath hain

aj khuda ka shukr hai ham se koi khafa nahin

dekhen agar qarib se kam nahin wo habib se

shakl se wo bura sahi yas magar bura nahin