پڑھ لے گا کوئی رات کی روئی ہوئی آنکھیں

پڑھ لے گا کوئی رات کی روئی ہوئی آنکھیں

ہر سمت ہیں آرام سے سوئی ہوئی آنکھیں

جن لوگوں کی منزل پہ نظر ہوتی ہے ہر دم

ان کا ہی تماشا ہیں یہ کھوئی ہوئی آنکھیں

دن بھر تو جمے رہتے ہیں پلکوں پہ وہی خواب

کیوں ہوش میں لاتی نہیں دھوئی ہوئی آنکھیں

آنکھوں کا جمال آپ کو معلوم ہی کیا ہے

دیکھیں ہیں کبھی رات وہ سوئی ہوئی آنکھیں

دل ہے کہ تجھے پائیں بکھر جائیں اے مولا

بینائی کے دھاگے میں پروئی ہوئی آنکھیں

کچھ بھی نہ دکھا معجزہ تھا ہی یہی عامرؔ

کھولی گئیں زمزم سے بھگوئی ہوئی آنکھیں

parh lega koi rat ki roi hui ankhen

har samt hain aram se soi hui ankhen

jin logon ki manzil pe nazar hoti hai har dam

un ka hi tamasha hain ye khoi hui ankhen

din bhar to jame rahte hain palkon pe wahi khwab

kyun hosh mein lati nahin dhoi hui ankhen

ankhon ka jamal ap ko maalum hi kya hai

dekhen hain kabhi rat wo soi hui ankhen

dil hai ke tujhe paen bikhar jaen ai maula

binai ke dhage mein piroi hui ankhen

kuchh bhi na dikha mojiza tha hi yahi amir

kholi gain zamzam se bhigoi hui ankhen