تو مرے عکس تصور سے جدا لگتا نہیں

تو مرے عکس تصور سے جدا لگتا نہیں

فاصلے جو درمیاں ہے فاصلہ لگتا نہیں

کالی راتیں دیکھ لوں تو خوف آتا ہے مجھے

خواب کیا پھر نیند سے بھی رابطہ لگتا نہیں

آئنے نے مجھ سے پوچھا تو بتا یہ کون ہے

میں نے دیکھا اور کہا کچھ بھی پتہ لگتا نہیں

کیا محبت کیا ہے نفرت دو الگ ہیں سلسلے

جیسے سچ کا جھوٹ سے بھی واسطہ لگتا نہیں

حرف سارے بول اٹھیں جب بھی میں لکھنے لگوں

اب کوئی جذبہ مرا محو دعا لگتا نہیں

تلخیوں کے زہر کو تحفہ سمجھ لینا بہارؔ

ڈر تو ہے بس کرب کا اس کے سوا لگتا نہیں

tu mire aks-e-tasawwur se juda lagta nahin

fasle jo darmiyan hai fasla lagta nahin

kali raten dekh lun to khauf ata hai mujhe

khwab kya phir nind se bhi rabta lagta nahin

aine ne mujh se puchha to bata ye kaun hai

main ne dekha aur kaha kuchh bhi pata lagta nahin

kya mohabbat kya hai nafrat do alag hain silsile

jaise sach ka jhut se bhi wasta lagta nahin

harf sare bol uthen jab bhi main likhne lagun

ab koi jazba mira mahw-e-dua lagta nahin

talkhiyon ke zahr ko tohfa samajh lena bahar

dar to hai bas karb ka us ke siwa lagta nahin