بھری محفل میں قصہ درد کا کیسے سناؤں گی

بھری محفل میں قصہ درد کا کیسے سناؤں گی

بہت روئی ہیں یہ آنکھیں نظر کیسے ملاؤں گی

تو سوچوں کی زمیں کے راستے تبدیل کر بیٹھا

میں عجلت میں نشان بندگی کیسے مٹاؤں گی

مری اس درد کی دنیا پہ مت کر سنگ باری تو

بھلا میں بے بسی کے زخم اب کیسے چھپاؤں گی

وہ ٹوٹا آئنہ دل کا تو میں نے روک لیں سانسیں

اٹھے گی درد سینے میں تو پھر کیسے بتاؤں گی

جدائی کی خلش پائی ملا مجھ کو وصال غم

انا کی جنگ جیتی بھی وفا کیسے نبھاؤں گی

چلے ہیں قافلے یادوں کے ویرانوں کی بستی میں

بنا تھا ہم سفر تو بھی تجھے کیسے بھلاؤں گی

بڑھیں ہیں وحشتیں موسم کی ایسے روگ بھی پالے

بہار آرزو کرنے دوبارہ کیسے آؤں گی

bhari mahfil mein qissa dard ka kaise sunaungi

bahut roi hain ye ankhen nazar kaise milaungi

tu sochon ki zamin ke raste tabdil kar baitha

main ujlat mein nishan-e-bandagi kaise mitaungi

miri is dard ki duniya pe mat kar sang bari to

bhala mein be basi ke zakhm ab kaise chhupaungi

wo tuta aina dil ka to main ne rok len sansen

uthegi dard sine mein to phir kaise bataungi

judai ki khalish pai mila mujh ko wisal-e-gham

ana ki jang jiti bhi wafa kaise nibhaungi

chale hain qafile yadon ke wiranon ki basti mein

bana tha ham safar tu bhi tujhe kaise bhulaungi

barhen hain wahshaten mausam ki aise rog bhi pale

bahar-e-arzu karne dobara kaise aungi