امید کا دامن تو مرا چاک نہ کرنا

امید کا دامن تو مرا چاک نہ کرنا

یوں مجھ پہ ستم اے دل سفاک نہ کرنا

تاریکئ شب ہے مرا پہلے سے مقدر

اور تم بھی اندھیرے مری املاک نہ کرنا

یہ زخم انا کافی ہے اے یوسف دوراں

اب چشم زلیخا کو تو نمناک نہ کرنا

جب نیندیں بچھڑ جائیں تو آ جاتی ہیں یادیں

اس خواب نگر کو پس افلاک نہ کرنا

بیٹھی ہوں امیدوں پہ بہارؔ آئے گی شاید

یوں آس جزیرے کو تہ خاک نہ کرنا

ummid ka daman to mira chak na karna

yun mujh pe sitam ai dil saffak na karna

tariki-e-shab hai mira pahle se muqaddar

aur tum bhi andhere miri amlak na karna

ye zakhm ana kafi hai ai yusuf-e-dauran

ab chashm-e-zulekha ko to namnak na karna

jab ninden bichhar jaen to a jati hain yaden

is khwab nagar ko pas aflak na karna

baithi hun ummidon pe bahar aegi shayad

yun as jazire ko tah-e-khak na karna