بند آنکھوں کی جب کھڑکیاں کھل گئیں

بند آنکھوں کی جب کھڑکیاں کھل گئیں

ہو گئی شاعری کاپیاں کھل گئیں

ساحل دل پہ ارماں کی کشتی چلی

یوں تلاطم اٹھا رسیاں کھل گئیں

شعر و نغمے کی محفل جہاں بھی سجی

موسم حبس کی مٹھیاں کھل گئیں

آنکھ میچے ہی پہچانا میں نے تجھے

پھر گلابوں سی دو پتیاں کھل گئیں

تجھ کو دیکھا لگا صبح نو ہو گئی

الجھنوں سے بنی گتھیاں کھل گئیں

موسم دل پہ جب سے بہارؔ آ گئی

آرزؤں بھری تتلیاں کھل گئیں

band ankhon ki jab khirkiyan khul gain

ho gai shayari kapiyan khul gain

sahil-e-dil pe arman ki kashti chali

yun talatum utha rassiyan khul gain

sher-o-naghme ki mahfil jahan bhi saji

mausam-e-habs ki mutthiyan khul gain

ankh miche hi pahchana main ne tujhe

phir gulabon si do pattiyan khul gain

tujh ko dekha laga subh-e-nau ho gai

uljhanon se bani gutthiyan khul gain

mausam-e-dil pe jab se bahar a gai

arzuon bhari titliyan khul gain