جی رہے ہیں اس جہاں میں ایک لاشے کی طرح

جی رہے ہیں اس جہاں میں ایک لاشے کی طرح

لوگ ہم کو دیکھتے ہیں اب تماشے کی طرح

یوں محبت کے تقاضے ہم نبھاتے ہی رہے

آرزؤں کو اٹھایا ہے جنازے کی طرح

دشمنوں سے بڑھ کے اپنوں نے کئے اتنے ستم

خوف طاری ہو گیا کانپے ہیں سائے کی طرح

اپنی منزل سے بچھڑ کے ہم نے اب یہ طے کیا

بھول جائیں گے تجھے بھی تیرے وعدے کی طرح

زندگی کے گلستاں میں رو پڑی آ کر بہارؔ

آنسوؤں کو پھر لگایا اس نے غازے کی طرح

ji rahe hain is jahan mein ek lashe ki tarah

log ham ko dekhte hain ab tamashe ki tarah

yun mohabbat ke taqaze ham nibhate hi rahe

arzuon ko uthaya hai janaze ki tarah

dushmanon se barh ke apnon ne kiye itne sitam

khauf tari ho gaya kanpe hain sae ki tarah

apni manzil se bichhar ke ham ne ab ye tai kiya

bhul jaenge tujhe bhi tere waade ki tarah

zindagi ke gulsitan mein ro pari a kar bahar

ansuon ko phir lagaya us ne ghaze ki tarah