تن بدن سے جان ہی تو صرف اڑا لے جائے گی

تن بدن سے جان ہی تو صرف اڑا لے جائے گی

زندگی سے موت آ کر اور کیا لے جائے گی

جس طرح میری خوشی لیتی گئی وہ چھین کر

گردش حالات یہ غم بھی اٹھا لے جائے گی

میری جس آواز کو رہنا ہے میرے بعد بھی

کیا زمانے کی ہوس اس کو چرا لے جائے گی

کام اگر کچھ بھی نہ آئے گا مرا ضبط الم

وحشت دل ہی مری حالت سنبھالے جائے گی

رنگ جن کا سبز ہے وہ کب گریں گے پیڑ سے

دھوپ کی رت زرد پتے ہی اڑا لے جائے گی

زیست کو نادمؔ اسی دم ہی ملے گا کچھ قرار

درد دل سے درد سر کی جب دوا لے جائے گی

tan badan se jan hi to sirf ura le jaegi

zindagi se maut a kar aur kiya le jaegi

jis tarah meri khushi leti gai wo chhin kar

gardish-e-halat ye gham bhi utha le jaegi

meri jis awaz ko rahna hai mere baad bhi

kya zamane ki hawas us ko chura le jaegi

kam agar kuchh bhi na aega mira zabt-e-alam

wahshat-e-dil hi miri halat sambhale jaegi

rang jin ka sabz hai wo kab girenge per se

dhup ki rut zard patte hi ura le jaegi

zist ko nadim isi dam hi milega kuchh qarar

dard-e-dil se dard-e-sar ki jab dawa le jaegi