ہجوم یاس نے گھیرا تو کیسے مسکراؤ گے

ہجوم یاس نے گھیرا تو کیسے مسکراؤ گے

جو ابر اشک آ برسا کہاں اس کو چھپاؤ گے

مری باتیں مری چاہت مری سرگوشیاں جاناں

چلے گی جب ہوا تھم تھم تو آہٹ میری پاؤ گے

یہ جگنو اور ستارے چاندنی راتیں سبھی ہوں گے

یہ سب موسم ہمارے ہیں ہمیں کیونکر بھلاؤ گے

ہے تنہائی ہمیں پیاری یہی بخشش ہے دنیا کی

محبت کے تقاضوں کو مگر تم کیا نبھاؤ گے

چلے آتے ہیں گھر واپس پرندے شام کو سارے

مرا گھر اے بہارؔ آ کے نہ جانے کب بساؤ گے

hujum-e-yas ne ghera to kaise muskuraoge

jo abr-e-ashk a barsa kahan us ko chhupaoge

miri baten miri chahat miri sargoshiyan janan

chalegi jab hua tham tham to ahat meri paoge

ye jugnu aur sitare chandni raten sabhi honge

ye sab mausam hamare hain hamen kyunkar bhulaoge

hai tanhai hamen pyari yahi bakhshish hai duniya ki

mohabbat ke taqazon ko magar tum kya nibhaoge

chale ate hain ghar wapas parinde sham ko sare

mira ghar ai bahar a ke na jane kab basaoge