آس کے پر کیف موسم کا اثر کیسا لگا

آس کے پر کیف موسم کا اثر کیسا لگا

اس بہار نو شگفتہ کا ثمر کیسا لگا

میں نہ کہتی تھی اداسی کے سوا کچھ بھی نہیں

آپ نے دیکھا مرا ویران گھر کیسا لگا

میں نے اک بت کو تراشا ہے زمانے کے لئے

اے ہنر مندو مرا کار ہنر کیسا لگا

ظلمتوں کے ساتھ تو تم نے نبھایا عمر بھر

شب گزیدہ لوگو انداز سحر کیسا لگا

کیسا منظر ہے کہ ہے گل پوش دنیا کا دروغ

زندگی کا سچ مقام دار پر کیسا لگا

یہ بتاؤ لوٹ کر آ ہی گئے ہو تم اگر

زیست کے بے نام شہروں کا سفر کیسا لگا

میں نے دروازہ تری خاطر کیا تھا وا بہارؔ

تو بتا دے تجھ کو الفت کا نگر کیسا لگا

as ke pur kaif mausam ka asar kaisa laga

is bahar-e-nau shagufta ka samar kaisa laga

main na kahti thi udasi ke siwa kuchh bhi nahin

ap ne dekha mira wiran ghar kaisa laga

main ne ik but ko tarasha hai zamane ke liye

ai hunar mando mira kar-e-hunar kaisa laga

zulmaton ke sath to tum ne nibhaya umr bhar

shab gazida logo andaz-e-sahar kaisa laga

kaisa manzar hai ke hai gul posh duniya ka darogh

zindagi ka sach maqam-e-dar par kaisa laga

ye batao laut kar a hi gae ho tum agar

zist ke be nam shahron ka safar kaisa laga

main ne darwaza tiri khatir kiya tha wa bahar

tu bata de tujh ko ulfat ka nagar kaisa laga