وہ جب دے گا جو کچھ دے گا دے گا اپنے والوں کو

وہ جب دے گا جو کچھ دے گا دے گا اپنے والوں کو

ویسے بھی کچھ ملتا کب ہے دھوپ میں تپنے والوں کو

دین دھرم محفوظ ہیں لیکن تصویروں جزدانوں میں

وقت پڑے تو لے آتے ہیں مالا جپنے والوں کو

خوابوں کی بارش تو سارے زخم ہرے کر دیتی ہے

نیند کہاں سے آئے گی پھر بھیگے سپنے والوں کو

اخباروں کی سرخی بننا سب کے بس کی بات نہیں

اونچا مول چکانا پڑتا ہے روز کے چھپنے والوں کو

جانے کیسے ایسے ویسے آگے بڑھتے جاتے ہیں

پاس سے جا کر کس نے دیکھا بدرؔ پنپنے والوں کو

wo jab dega jo kuchh dega dega apne walon ko

waise bhi kuchh milta kab hai dhup mein tapne walon ko

din dharm mahfuz hain lekin taswiron juzdanon mein

waqt pare to le ate hain mala japne walon ko

khwabon ki barish to sare zakhm hare kar deti hai

nind kahan se aegi phir bhige sapne walon ko

akhbaron ki surkhi banna sab ke bas ki bat nahin

uncha mol chukana parta hai roz ke chhupne walon ko

jane kaise aise waise age barhte jate hain

pas se ja kar kis ne dekha badr panapne walon ko