پھل درختوں سے گرے تھے آندھیوں میں تھال بھر

پھل درختوں سے گرے تھے آندھیوں میں تھال بھر

میرے حصے میں مگر آئے نہیں رومال بھر

پہلے سارے پنچھیوں کو پر ملیں پرواز کے

پھر شکاری سے کہے کوئی کہ اپنا جال بھر

موسموں کی سختیاں تو بادلوں سی اڑ گئیں

آج بھی محفوظ کب ہے دل کا شیشہ بال بھر

دھند ہی چھائی رہی آنکھوں میں تم سے کیا کہیں

اب تو یارو ایک سا رہتا ہے موسم سال بھر

دھوپ کی من مانیوں پر مسکراتے تھے کبھی

ان تناور پیڑوں پر پتے بچے ہیں ڈال بھر

ایک شے کا نام جو بتلائے اس کا نام ہو

اپنی گلیوں میں نہیں ہے ممبئی سی چال بھر

اور ہم سے کیا تقاضہ ہے ترا عصر رواں

جان و تن کا نام ہے بس ہڈیوں پر کھال بھر

phal darakhton se gire the andhiyon mein thal bhar

mere hisse mein magar ae nahin rumal bhar

pahle sare panchhiyon ko par milen parwaz ke

phir shikari se kahe koi ke apna jal bhar

mausamon ki sakhtiyan to badalon si ur gain

aj bhi mahfuz kab hai dil ka shisha bal bhar

dhund hi chhai rahi ankhon mein tum se kya kahen

ab to yaro ek sa rahta hai mausam sal bhar

dhup ki man maniyon par muskurate the kabhi

un tanawar peron par patte bachche hain dal bhar

ek shai ka nam jo batlae us ka nam ho

apni galiyon mein nahin hai mambai si chal bhar

aur ham se kya taqaza hai tira asr-e-rawan

jan-o-tan ka nam hai bas haddiyon par khal bhar