جلوے کو پردا پردے کو جلوہ بنا دیا

جلوے کو پردا پردے کو جلوہ بنا دیا

اہل نظر کو تم نے تماشہ بنا دیا

ذرے کو مہر قطرے کو دریا بنا دیا

تیری نظر نے کیا سے ہمیں کیا بنا دیا

حق نے تمہیں بڑا ہمیں چھوٹا بنا دیا

جو کچھ بنا دیا بہت اچھا بنا دیا

کیا پوچھتے ہو ہم نے تمہیں کیا بنا دیا

روح حیات جان تمنا بنا دیا

سرمستیٔ بہار کا عالم نہ پوچھئے

ہر گل کہ اس نے ساغر و صہبا بنا دیا

دنیا ہمارے واسطے دوزخ سے کم نہ تھی

دنیا کو تیرے عشق نے دنیا بنا دیا

اس دل کا حال پوچھ رہے ہیں وہ بار بار

جس دل کو بے نیاز تمنا بنا دیا

دیکھیں لہو سے بھرتا ہے اب اس میں رنگ کون

ہم نے نئی بہار کا نقشا بنا دیا

جب کوئی آنکھ تیرا نظارا نہ کر سکی

جیسا کسی کے ذہن میں آیا بنا دیا

سرشارؔ ان کے غم کا یہ احساں بھی خوب ہے

دنیا کو غم گسار ہمارا بنا دیا

jalwe ko parda parde ko jalwa bana diya

ahl-e-nazar ko tum ne tamasha bana diya

zarre ko mehr qatre ko dariya bana diya

teri nazar ne kya se hamen kya bana diya

haq ne tumhen bara hamen chhota bana diya

jo kuchh bana diya bahut achchha bana diya

kya puchhte ho ham ne tumhen kya bana diya

ruh-e-hayat jan-e-tamanna bana diya

sarmasti-e-bahar ka alam na puchhiye

har gul ke us ne saghar-o-sahba bana diya

duniya hamare waste dozakh se kam na thi

duniya ko tere ishq ne duniya bana diya

is dil ka hal puchh rahe hain wo bar bar

jis dil ko be niyaz tamanna bana diya

dekhen lahu se bharta hai ab is mein rang kaun

ham ne nai bahar ka naqsha bana diya

jab koi ankh tera nazara na kar saki

jaisa kisi ke zehn mein aya bana diya

sarshar un ke gham ka ye ehsan bhi khub hai

duniya ko gham gusar hamara bana diya