برا ہو کر بھی وہ اچھا بہت ہے

برا ہو کر بھی وہ اچھا بہت ہے

وہ جیسا ہے نہیں بنتا بہت ہے

نمک تو کم نہیں ہے روز و شب میں

سواد زندگی پھیکا بہت ہے

فریب سادگی ہے یا شرارت

میں یہ سمجھا کہ وہ میرا بہت ہے

تجھے سوچا کیا شب بھر سنوارا

نہیں ایسا نہیں ویسا بہت ہے

اسی سے بات کرنا ہے کہ جس نے

ہمیں سمجھا نہیں پوچھا بہت ہے

ہمیں کچھ دیر میں منزل ملے گی

ہمارا راستہ سیدھا بہت ہے

یہ بندہ کون ہے کچھ بدرؔ جیسا

وہی جو بھیڑ میں تنہا بہت ہے

bura ho kar bhi wo achchha bahut hai

wo jaisa hai nahin banta bahut hai

namak to kam nahin hai roz-o-shab mein

sawad-e-zindagi phika bahut hai

fareb-e-sadgi hai ya shararat

main ye samjha ke wo mera bahut hai

tujhe socha kiya shab bhar sanwara

nahin aisa nahin waisa bahut hai

usi se bat karna hai ke jis ne

hamen samjha nahin puchha bahut hai

hamen kuchh der mein manzil milegi

hamara rasta sidha bahut hai

ye banda kaun hai kuchh badr jaisa

wahi jo bhir mein tanha bahut hai