چراغ دل جلایا کس لئے ہے شام سے پہلے

چراغ دل جلایا کس لئے ہے شام سے پہلے

خوشی اچھی نہیں ہے عشق میں انجام سے پہلے

گزرنا تو شب فرقت کا یا رب غیر ممکن ہے

تڑپنا دل کا کہتا ہے نمود شام سے پہلے

حدود محفل عشرت میں رکھیں گے قدم اک دن

ذرا مانوس تو ہو لیں غم آلام سے پہلے

مجھے ساقی سے الفت ہے نہیں ساغر کا شیدائی

اٹھا جاتا ہوں خود محفل سے دور جام سے پہلے

ڈھلا دن اور مرے دل کی بڑھیں بے چینیاں پیکرؔ

جگر کو تھام لیتا ہوں میں درد شام سے پہلے

charagh-e-dil jalaya kis liye hai sham se pahle

khushi achchhi nahin hai ishq mein anjam se pahle

guzarna to shab-e-furqat ka ya rab ghair mumkin hai

tarapna dil ka kahta hai numud-e-sham se pahle

hudud-e-mahfil-e-ishrat mein rakhenge qadam ik din

zara manus to ho len gham-e-alam se pahle

mujhe saqi se ulfat hai nahin saghar ka shaidai

utha jata hun khud mahfil se daur-e-jam se pahle

dhala din aur mire dil ki barhen be chiniyan paikar

jigar ko tham leta hun main dard-e-sham se pahle