یوں تو محروم کوئی بزم میں مے خوار نہیں

یوں تو محروم کوئی بزم میں مے خوار نہیں

ہاں مگر میری طرف چشم فسوں کار نہیں

ناصحا میں بھی تری طرح نہ بکتا کیا کیا

وہ تو کہیے کہ میں دیوانہ ہوں ہشیار نہیں

حسن رنگیں کے تصور نے جلا دیں شمعیں

ہر طرف نور برستا رہے شب تار نہیں

مرنے والے کی محبت کے تھے منکر کل تک

آج اقرار ہی اقرار ہے انکار نہیں

لیجئے لیجئے وہ ڈوب گئی نبض مریض

آئیے آئیے اب آپ کا بیمار نہیں

اس نے ٹھکرا دیا صد حیف یہ کہہ کر پیکرؔ

ایک ٹوٹے ہوئے دل کا میں خریدار نہیں

yun to mahrum koi bazm mein mai khwar nahin

han magar meri taraf chashm-e-fusun kar nahin

nasha mein bhi tiri tarah na bikta kya kiya

wo to kahiye ke main diwana hun hushyar nahin

husn rangin ke tasawwur ne jala den shamen

har taraf nur barasta rahe shab tar nahin

marne wale ki mohabbat ke the munkir kal tak

aj iqrar hi iqrar hai inkar nahin

lijiye lijiye wo dub gai nabz-e-mariz

aiye aiye ab ap ka bimar nahin

us ne thukra diya sad haif ye kah kar paikar

ek tute hue dil ka main kharidar nahin