نظر کو وقف غم انتظار کر نہ سکے

نظر کو وقف غم انتظار کر نہ سکے

خود اپنی ذات پہ ہم اعتبار کر نہ سکے

نظر اٹھی تو گلوں تک ہی رہ گئی محدود

نظر کو مائل رنگ بہار کر نہ سکے

فریب حسن سے اس کو نہ کیوں کروں تعبیر

زباں سے کہتے رہے دل سے پیار کر نہ سکے

قفس میں آیا تو موسم بہار کا لیکن

نگاہ شوق کو وقف بہار کر نہ سکے

حریم ناز کے پردے اٹھے مگر پیکرؔ

جنوں کے مارے ہی خود انتظار کر نہ سکے

nazar ko waqf-e-gham intizar kar na sake

khud apni zat pe ham etibar kar na sake

nazar uthi to gulon tak hi rah gai mahdud

nazar ko mail rang-e-bahar kar na sake

fareb-e-husn se us ko na kyun karun taabir

zaban se kahte rahe dil se pyar kar na sake

qafas mein aya to mausam-e-bahar ka lekin

nigah-e-shauq ko waqf-e-bahar kar na sake

harim-e-naz ke parde uthe magar paikar

junun ke mare hi khud intizar kar na sake