کچھ ملے یا نہ ملے ملتے ملاتے رہیے

کچھ ملے یا نہ ملے ملتے ملاتے رہیے

شوق اچھا ہے اسے خوب بڑھاتے رہیے

دوست گر کام نہ آئے تو کوئی بات نہیں

ان کو اس بات کا احساس کراتے رہیے

آپ کے آنے سے لوگوں کو جلن ہوتی ہے

ہے یہ دنیا کا چلن آپ تو آتے رہیے

میں برا ہوں تو کیا آپ بھی ایسے ہوں گے

آپ اچھے ہیں یہ سب کو بتاتے رہیے

مجھ پہ احسان کریں آپ گزارش ہے مری

مجھ کو ہر روز اسی طرح ستاتے رہیے

میرے رونے پہ کئی شخص ہنسا کرتے ہیں

ہو سکے آپ سے تو مجھ کو رلاتے رہیے

kuchh mile ya na mile milte milate rahiye

shauq achchha hai use khub barhate rahiye

dost gar kam na ae to koi bat nahin

un ko is bat ka ehsas karate rahiye

ap ke ane se logon ko jalan hoti hai

hai ye duniya ka chalan ap to ate rahiye

main bura hun to kiya ap bhi aise honge

ap achchhe hain ye sab ko batate rahiye

mujh pe ehsan karen ap guzarish hai miri

mujh ko har roz isi tarah satate rahiye

mere rone pe kai shakhs hansa karte hain

ho sake ap se to mujh ko rulate rahiye