جستجوئے بہار کرتا ہوں

جستجوئے بہار کرتا ہوں

دل کو خود شرمسار کرتا ہوں

ان کے وعدہ کا اعتبار نہیں

پھر بھی میں انتظار کرتا ہوں

جوش دیوانگی بڑھا اتنا

اپنے دامن کو تار کرتا ہوں

تم کو ہوں گے عزیز گل بوٹے

میں تو خاروں سے پیار کرتا ہوں

کہہ دو بجلی سے اب ٹھہر جائے

آشیاں کا حصار کرتا ہوں

اب قرار آئے گا نہ پیکرؔ کو

آ اجل انتظار کرتا ہوں

justuju-e-bahar karta hun

dil ko khud sharmsar karta hun

un ke waada ka etibar nahin

phir bhi main intizar karta hun

josh-e-diwangi barha itna

apne daman ko tar karta hun

tum ko honge aziz gul bute

main to kharon se pyar karta hun

kah do bijli se ab thahar jae

ashiyan ka hisar karta hun

ab qarar aega na paikar ko

a ajal intizar karta hun