سوز دل سوز جگر سوز الم پایا ہے

سوز دل سوز جگر سوز الم پایا ہے

جو بھی پایا ہے ترے عشق میں کم پایا ہے

سر جھکا جاتا ہے ہر گام پہ سجدے کے لئے

ہر جگہ جیسے ترا نقش قدم پایا ہے

جتنا جی چاہے مرے حال پہ دنیا ہنس لے

میں نے حصے میں فقط رنج و الم پایا ہے

پھول ہنستے ہیں تو روتی ہے چمن میں شبنم

اک نے پائی ہے خوشی ایک نے غم پایا ہے

کھل گیا راز ترے درد نہاں کا پیکرؔ

آج آنکھوں میں تری اشک الم پایا ہے

soz-e-dil soz-e-jigar soz-e-alam paya hai

jo bhi paya hai tire ishq mein kam paya hai

sar jhuka jata hai har gam pe sajde ke liye

har jagah jaise tira naqsh-e-qadam paya hai

jitna ji chahe mire hal pe duniya hans le

main ne hisse mein faqat ranj-o-alam paya hai

phul hanste hain to roti hai chaman mein shabnam

ik ne pai hai khushi ek ne gham paya hai

khul gaya raz tire dard-e-nihan ka paikar

aj ankhon mein tiri ashk alam paya hai