شب وصل ہم مختصر دیکھتے ہیں

شب وصل ہم مختصر دیکھتے ہیں

ادھر آنکھ جھپکی سحر دیکھتے ہیں

مریض محبت کی ہو خیر یا رب

یہ رہ رہ کے کیوں چارہ گر دیکھتے ہیں

پئے پرسش غم کوئی آ رہا ہے

ہم آہوں کا اپنی اثر دیکھتے ہیں

ہمیں یاد آتا ہے صحن گلستاں

جو زنداں کے دیوار و در دیکھتے ہیں

ہر اک شے میں ہے تیرے جلوؤں کا پرتو

تجھے صاف اہل نظر دیکھتے ہیں

تصور جو ہے زلف و عارض کا ان کی

بہ یک وقت شام و سحر دیکھتے ہیں

اثر کر چلی ہے مری آہ پیکرؔ

انہیں آج نزدیک تر دیکھتے ہیں

shab-e-wasl ham mukhtasar dekhte hain

idhar ankh jhapki sahar dekhte hain

mariz-e-mohabbat ki ho khair ya rab

ye rah rah ke kyun chara gar dekhte hain

piye pursish-e-gham koi a raha hai

ham ahon ka apni asar dekhte hain

hamen yad ata hai sehn-e-gulistan

jo zindan ke diwar-o-dar dekhte hain

har ik shai mein hai tere jalwon ka partau

tujhe saf ahl-e-nazar dekhte hain

tasawwur jo hai zulf-o-ariz ka un ki

ba yak waqt-e-sham-o-sahar dekhte hain

asar kar chali hai miri ah paikar

unhen aj nazdik tar dekhte hain