کہاں تک سنو گے زمانے کی باتیں

کہاں تک سنو گے زمانے کی باتیں

یہ اک دوسرے کو لڑانے کی باتیں

محبت سے رہتے تھے آپس میں ہم تم

تمہیں یاد ہیں اس زمانے کی باتیں

زمانے میں اپنی یہ حالت نہ ہوتی

نہ سنتے اگر ہم زمانے کی باتیں

ہے دنیا کو امن و سکوں کی ضرورت

کرو ختم طوفاں اٹھانے کی باتیں

کچھ اس کی روش کو نہیں دیکھتے ہم

سنے جا رہے ہیں زمانے کی باتیں

نہ تم مٹ سکو گے نہ ہم ہی مٹیں گے

غلط ہیں یہ مٹنے مٹانے کی باتیں

زمانہ زمانہ ستم گر زمانہ

تمہیں کیا بتائیں زمانے کی باتیں

کریں فکر کچھ اپنے سود و زیاں کی

بہت سن چکے ہم زمانے کی باتیں

kahan tak sunoge zamane ki baten

ye ik dusre ko larane ki baten

mohabbat se rahte the apas mein ham tum

tumhen yad hain is zamane ki baten

zamane main apni ye halat na hoti

na sunte agar ham zamane ki baten

hai duniya ko amn-o-sukun ki zarurat

karo khatm tufan uthane ki baten

kuchh us ki rawish ko nahin dekhte ham

sune ja rahe hain zamane ki baten

na tum mit sakoge na ham hi mitenge

ghalat hain ye mitne mitane ki baten

zamana zamana sitam gar zamana

tumhen kya bataen zamane ki baten

karen fikr kuchh apne sud-o-ziyan ki

bahut sun chuke ham zamane ki baten