تمام رشتوں کو بے کدورت بنا دیا ہے

تمام رشتوں کو بے کدورت بنا دیا ہے

ہمیں محبت نے خوب صورت بنا دیا ہے

وہ عادتاً بے نیاز لڑکی تھی جس نے خود کو

ہماری خاطر وفا کی مورت بنا دیا ہے

میں تیرے بن زندگی گزاروں تو خود کو ہاروں

کہ تو نے خود کو مری ضرورت بنا دیا ہے

تمہاری خاطر لکھی ہوئی اولیں غزل کو

کتاب امکاں کی پہلی صورت بنا دیا ہے

پرانے وعدوں کی دھجیوں کو ملا کے یاورؔ

ملن کا ہم نے شگن مہورت بنا دیا ہے

tamam rishton ko be kudurat bana diya hai

hamen mohabbat ne khub surat bana diya hai

wo adatan be niyaz larki thi jis ne khud ko

hamari khatir wafa ki murat bana diya hai

main tere bin zindagi guzarun to khud ko harun

ke tu ne khud ko miri zarurat bana diya hai

tumhari khatir likhi hui awwalin ghazal ko

kitab-e-imkan ki pahli surat bana diya hai

purane waadon ki dhajjiyon ko mila ke yawar

milan ka ham ne shagun mehorut bana diya hai