شاداں بہت تھے زیست کی تصویر دیکھ کر

شاداں بہت تھے زیست کی تصویر دیکھ کر

اب رو رہے ہیں خواب کی تعبیر دیکھ کر

آنکھوں میں اشک پاؤں میں زنجیر دیکھ کر

وہ خود بھی رو پڑے مری تصویر دیکھ کر

خط کے جواب میں ہیں ستاروں کی جھلکیاں

شاید وہ روئے ہیں مری تحریر دیکھ کر

دونوں جہاں کا حسن نگاہوں میں آ گیا

اب کس کو دیکھوں آپ کی تصویر دیکھ کر

تم تو غم حیات کی تصویر ہو نعیمؔ

اب کیا کرو گے تم کوئی تصویر دیکھ کر

shadan bahut the zist ki taswir dekh kar

ab ro rahe hain khwab ki taabir dekh kar

ankhon mein ashk paon mein zanjir dekh kar

wo khud bhi ro pare miri taswir dekh kar

khat ke jawab mein hain sitaron ki jhalkiyan

shayad wo roe hain miri tahrir dekh kar

donon jahan ka husn nigahon mein a gaya

ab kis ko dekhun ap ki taswir dekh kar

tum to gham-e-hayat ki taswir ho naim

ab kya karoge tum koi taswir dekh kar