اللہ جانے کیسا چمن پر عذاب ہے

اللہ جانے کیسا چمن پر عذاب ہے

کانٹوں پہ ہے شباب فسردہ گلاب ہے

ہر وقت مطمئن ہوں میں اپنی حیات سے

مجھ پر کسی کا لطف و کرم بے حساب ہے

دامن ہے چاک چہرہ فسردہ اور آنکھ نم

جو کچھ بھی ہے یہ بخشش عالی جناب ہے

تعبیر سب کو خواب کی ملتی نہیں مگر

تعبیر جس کی تم ہو حقیقت وہ خواب ہے

وہ خود بھی چل رہے ہیں زمانے کے ساتھ ساتھ

اور پھر بھی کہہ رہے ہیں زمانہ خراب ہے

منزل قدم نعیمؔ کے چومے گی ایک دن

جب اس کے ساتھ آپ کا غم ہم رکاب ہے

allah jane kaisa chaman par azab hai

kanton pe hai shabab-e-fasurda gulab hai

har waqt mutmain hun main apni hayat se

mujh par kisi ka lutf-o-karam be hisab hai

daman hai chak chehra fasurda aur ankh nam

jo kuchh bhi hai ye bakhshish-e-ali janab hai

taabir sab ko khwab ki milti nahin magar

taabir jis ki tum ho haqiqat wo khwab hai

wo khud bhi chal rahe hain zamane ke sath sath

aur phir bhi kah rahe hain zamana kharab hai

manzil qadam naim ke chumegi ek din

jab us ke sath ap ka gham ham rikab hai