مشکلوں سے جو ڈر گئے ہوتے

مشکلوں سے جو ڈر گئے ہوتے

زندہ کب رہتے مر گئے ہوتے

وہ نہ کرتے جو رہبری اپنی

ہم نہ جانے کدھر گئے ہوتے

گھر ہمارا اگر نہیں ہوتا

حادثے کس کے گھر گئے ہوتے

شہر کی زندگی سے بہتر تھا

گاؤں میں اپنے مر گئے ہوتے

کاش ہم بھی کسی کی راہوں میں

خاک بن کر بکھر گئے ہوتے

زندگی میں کبھی نعیمؔ آنسو

دو گھڑی تو ٹھہر گئے ہوتے

mushkilon se jo dar gae hote

zinda kab rahte mar gae hote

wo na karte jo rahbari apni

ham na jane kidhar gae hote

ghar hamara agar nahin hota

hadse kis ke ghar gae hote

shahr ki zindagi se behtar tha

gaon main apne mar gae hote

kash ham bhi kisi ki rahon mein

khak ban kar bikhar gae hote

zindagi mein kabhi naim ansu

do ghari to thahar gae hote