زندگی بھر ہم سے مت پوچھو کہ کیا کرتے رہے

زندگی بھر ہم سے مت پوچھو کہ کیا کرتے رہے

گردش دوراں کا جم کر سامنا کرتے رہے

گلستاں تو جل گیا لیکن محبان چمن

آپ سے ہم پوچھتے ہیں آپ کیا کرتے رہے

شہر سارا نفرتوں کی آگ میں جلتا رہا

آپ تھے کہ گھر میں بیٹھے مشورہ کرتے رہے

لٹ گیا سب کچھ تو گہری نیند سے آنکھیں کھلیں

ہم کو کیا کرنا تھا یارو اور کیا کرتے رہے

ان کی نظروں کو نہ بھایا دوسرا کوئی نعیمؔ

مجھ پہ ہی وہ ہر ستم کی انتہا کرتے رہے

zindagi bhar ham se mat puchho ke kya karte rahe

gardish-e-dauran ka jam kar samna karte rahe

gulsitan to jal gaya lekin muhibban-e-chaman

ap se ham puchhte hain ap kya karte rahe

shahr sara nafraton ki ag mein jalta raha

ap the ke ghar mein baithe mashwara karte rahe

lut gaya sab kuchh to gahri nind se ankhen khulen

ham ko kya karna tha yaro aur kiya karte rahe

un ki nazron ko na bhaya dusra koi naim

mujh pe hi wo har sitam ki intiha karte rahe