اپنوں کے کرم سے گر تو دور رہا ہوتا

اپنوں کے کرم سے گر تو دور رہا ہوتا

احسان کے شعلوں سے دامن نہ جلا ہوتا

دامن مرا دنیا کی دولت سے بھرا ہوتا

میں نے بھی ضمیر اپنا گر بیچ دیا ہوتا

اوقات ہی کیا ہوتی ہم خاک نشینوں کی

رشتہ تری یادوں سے گر توڑ دیا ہوتا

گلشن کی بہاروں سے کچھ تو ہمیں مل جاتا

غم اس کا نہ تھا دامن کانٹوں سے بھرا ہوتا

گر تو مرا ہو جاتا دنیا مری ہو جاتی

دنیا نہ خفا ہوتی گر تو نہ خفا ہوتا

احساس تمہیں ہوتا تب میری تباہی کا

جو وقت پڑا مجھ پر تم پر بھی پڑا ہوتا

دنیا سے نعیمؔ اپنی تقدیر جدا ہوتی

اشکوں کو مرے ان کا دامن جو ملا ہوتا

apnon ke karam se gar to dur raha hota

ehsan ke sholon se daman na jala hota

daman mira duniya ki daulat se bhara hota

main ne bhi zamir apna gar bech diya hota

auqat hi kya hoti ham khak nashinon ki

rishta tiri yadon se gar tor diya hota

gulshan ki baharon se kuchh to hamen mil jata

gham us ka na tha daman kanton se bhara hota

gar to mira ho jata duniya miri ho jati

duniya na khafa hoti gar to na khafa hota

ehsas tumhen hota tab meri tabahi ka

jo waqt para mujh par tum par bhi para hota

duniya se naim apni taqdir juda hoti

ashkon ko mire un ka daman jo mila hota