Arooz is now on the App Store, for iPhone and iPad. Download →

All poetry

زاد رہ مکمل ہے

Nadeem Asghar (b. 1980)

زاد رہ مکمل ہے

حوصلہ مکمل ہے

خواب مر چکے ہیں سب

سانحہ مکمل ہے

عشق جو کیا تم سے

با خدا مکمل ہے

تم کہو جو کہنا ہے

تخلیہ مکمل ہے

اب کہیں نہ بھٹکوں گا

یہ خدا مکمل ہے

ماں نے ہاتھ اٹھائے ہیں

یہ دعا مکمل ہے

تم نے جو سنائی ہے

بات کیا مکمل ہے

اب کسی کو کیا دیکھوں

دل دیا مکمل ہے

اس کی آنکھ کہتی ہے

شاعرہ مکمل ہے

ایک بوسہ کافی ہے

ناشتہ مکمل ہے