شام ہوئی گھر لوٹی یادیں سورج روپ تراشوں کیسے

شام ہوئی گھر لوٹی یادیں سورج روپ تراشوں کیسے

ایک اجالا لاکھ اندھیرے اس کو سب میں بانٹوں کیسے

ٹھٹھری چاہت لاوا جذبے ہجر مشقت بس سے باہر

دل چرخے پر سوت تمہاری یادوں کا میں کاتوں کیسے

بنجر راتیں بانجھ سویرے بوجھل رستے الجھی منزل

دن جیون کے اب تیرے بن کاٹوں تو پھر کاٹوں کیسے

اجڑے موسم پگھلے منظر ٹوٹے خواب آشفتہ لہجے

تھوڑی سانسیں بوجھ میں اتنا ان کاندھوں پر لادوں کیسے

سرخ اجالے سوکھے پانی اگتی دھوپ اور مرتی چھاؤں

تپتے صحرا چبھتے پتھر ان رستوں پر بھاگوں کیسے

میں تو روکھی سوکھی تجھ کو جان سے پیارے دے سکتا ہوں

شال پہ تیری چاند ستارے میں بیچارہ ٹانکوں کیسے

sham hui ghar lauti yaden suraj rup tarashun kaise

ek ujala lakh andhere us ko sab mein bantun kaise

thithri chahat lawa jazbe hijr mashaqqat bas se bahar

dil charkhe par sot tumhari yadon ka main katun kaise

banjar raten banjh sawere bojhal raste uljhi manzil

din jiwan ke ab tere bin katun to phir katun kaise

ujre mausam pighle manzar tute khwab ashufta lahje

thori sansen bojh mein itna in kandhon par ladun kaise

surkh ujale sukhe pani ugti dhup aur marti chhaon

tapte sahra chubhte patthar in raston par bhagun kaise

main to rukhi sukhi tujh ko jan se pyare de sakta hun

shal pe teri chand sitare mein bechara tankun kaise