اندھیرا جھیل لیتا ہوں ستارے چھوڑ دیتا ہوں

اندھیرا جھیل لیتا ہوں ستارے چھوڑ دیتا ہوں

میں طوفاں بھانپ کر پھر بھی کنارے چھوڑ دیتا ہوں

مجھے تنہا ہی رہنا ہے کسی سے کچھ نہیں کہنا

جو دل بیزار ہو جائے تو سارے چھوڑ دیتا ہوں

زیادہ دیر دل اک کام میں ٹک کر نہیں لگتا

میں پنجرہ کھول دیتا ہوں غبارے چھوڑ دیتا ہوں

بہت باتیں بناتا ہوں میں کافی بولتا بھی ہوں

مگر جو گفتگو ہو تیرے بارے چھوڑ دیتا ہوں

کسی کا قرض کاندھے پر اٹھانے سے میں ڈرتا ہوں

میں قصداً ڈوب جاتا ہوں سہارے چھوڑ دیتا ہوں

andhera jhil leta hun sitare chhor deta hun

main tufan bhanp kar phir bhi kinare chhor deta hun

mujhe tanha hi rahna hai kisi se kuchh nahin kahna

jo dil bezar ho jae to sare chhor deta hun

ziyada der dil ik kam mein tuk kar nahin lagta

main pinjra khol deta hun ghubare chhor deta hun

bahut baten banata hun main kafi bolta bhi hun

magar jo guftugu ho tere bare chhor deta hun

kisi ka qarz kandhe par uthane se main darta hun

main qasdan dub jata hun sahare chhor deta hun