Arooz is now on the App Store, for iPhone and iPad. Download →

All poetry

ذرا ٹھہرو مری حالت سنبھل جائے تو پھر جانا

Nadeem Asghar (b. 1980)

ذرا ٹھہرو مری حالت سنبھل جائے تو پھر جانا

دل بیتاب تھوڑا سا بہل جائے تو پھر جانا

ابھی تو فرقتوں کے سحر سے نکلا نہیں ہوں میں

تمہارے وصل کا جادو یہ چل جائے تو پھر جانا

جمی ہیں دھڑکنیں تو منجمد ہیں میری سانسیں بھی

بدن میں زندگی تھوڑی مچل جائے تو پھر جانا

ابھی جاؤ نہ تم جکڑا ہوا ہے درد نے مجھ کو

تمہارے درد کا لوہا پگھل جائے تو پھر جانا

تمہارے وصل سے جینے کی خواہش پھر سے جنمی ہے

یہ ننھی سی تمنا پھول پھل جائے تو پھر جانا