فکر معاش اور مری شاعری تمام

فکر معاش اور مری شاعری تمام

دونوں ہی آستیں میں پلے زندگی تمام

ہم لغزش خفیف پہ نکلے تھے خلد سے

غارت ترے غرور نے کی بندگی تمام

لاحق ہوا ہے عشق تو میرے وجود سے

رستی ہے روز و شب ہی مری دل لگی تمام

جونکیں تمہاری یاد کی چپکی ہیں دل کے ساتھ

پیتی رہیں گی خون مرا زندگی تمام

تجھ کو ترا گھمنڈ مبارک ہوا کرے

اپنی ندیمؔ عاجزی میں کٹ گئی تمام

fikr-e-maash aur miri shayari tamam

donon hi astin mein pale zindagi tamam

ham laghzish-e-khafif pe nikle the khuld se

gharat tire ghurur ne ki bandagi tamam

lahaq hua hai ishq to mere wajud se

risti hai roz-o-shab hi miri dil lagi tamam

jonken tumhari yad ki chipki hain dil ke sath

piti rahengi khun mira zindagi tamam

tujh ko tira ghamand mubarak hua kare

apni nadim ajizi mein kat gai tamam