یادوں کی دھول سے مرا ماضی اٹا ہوا

یادوں کی دھول سے مرا ماضی اٹا ہوا

بھولوں تو کس طرح ترا چہرہ رٹا ہوا

تجھ سے فقط دعا ہے کہ پھر سے بحال کر

آنکھوں سے ہے جو خواب کا رشتہ کٹا ہوا

بت پوجتا ہوں کعبۂ دل میں ہیں بت کدے

رہتا ہوں اپنی ذات کے اندر بٹا ہوا

آؤ بڑھا کے ہاتھ سمیٹیں کسی طرح

بنجر زمیں کے واسطے بادل چھٹا ہوا

سانسیں بھی مل کے موت سے سازش کریں ندیمؔ

دکھ ہے کہ میرے حق میں مسلسل ڈٹا ہوا

yadon ki dhul se mira mazi ata hua

bhulun to kis tarah tira chehra rata hua

tujh se faqat dua hai ke phir se bahal kar

ankhon se hai jo khwab ka rishta kata hua

but pujta hun kaaba-e-dil mein hain but kade

rahta hun apni zat ke andar bata hua

ao barha ke hath sameten kisi tarah

banjar zamin ke waste badal chhuta hua

sansen bhi mil ke maut se sazish karen nadim

dukh hai ke mere haq mein musalsal data hua