فضائے شام ضیائے سحر اسی سے ملی

فضائے شام ضیائے سحر اسی سے ملی

کشش حیات کو المختصر اسی سے ملی

اسی سے مجھ کو ملا اشتیاق منزل کا

مرے سفر کو فضائے سفر اسی سے ملی

بلند مرتبۂ مشت خاک اسی نے کیا

تمام فہم و ذکا و نظر اسی سے ملی

غرور خود پہ جسے جس قدر بھی ہو لیکن

ملی جسے بھی متاع ہنر اسی سے ملی

اسی نے ظلمت گم گشتگی کو دور کیا

تلاش حق کو رہ معتبر اسی سے ملی

عطا کرے گا ہمیں بھی وہی ردائے ضیا

کہ جگنوؤں کو قبائے شرر اسی سے ملی

وہ بے خبر ہے نہیں احترام جس کو خبر

کہ آدمی کو ملی ہر خبر اسی سے ملی

faza-e-sham ziya-e-sahar usi se mili

kashish hayat ko almukhtasar usi se mili

usi se mujh ko mila ishtiyaq-e-manzil ka

mire safar ko faza-e-safar usi se mili

buland martaba-e-musht-e-khak usi ne kiya

tamam fahm-o-zaka-o-nazar usi se mili

ghurur-e-khud pe jise jis qadar bhi ho lekin

mili jise bhi mata-e-hunar usi se mili

usi ne zulmat gum gashtagi ko dur kya

talash-e-haq ko rah motabar usi se mili

ata karega hamen bhi wahi rida-e-ziya

ke jugnuon ko qaba-e-sharar usi se mili

wo be khabar hai nahin ehtiram jis ko khabar

ke admi ko mili har khabar usi se mili