کون بتلائے کہ کس کو کیا ملا

کون بتلائے کہ کس کو کیا ملا

جس کی قسمت میں جو لکھا تھا ملا

ترک مے نوشی تو میں نے کی مگر

یہ بتا زاہد کہ تجھ کو کیا ملا

مر مٹی دنیا خوشی کے نام پر

غم نہ کوئی چاہنے والا ملا

فکر میں انداز میں آواز میں

ہر بشر اپنی جگہ تنہا ملا

اب نہیں بے لوث ملنے کا رواج

جو ملا وہ اپنے مطلب کا ملا

سمٹی سمٹی ہر خوشی آئی نظر

بکھرا بکھرا غم کا شیرازہ ملا

بانکپن شاید اسی کا نام ہے

حسن رنگینی میں بھی سادہ ملا

صحن گلشن میں وہ کہلائے گلاب

خون جن پھولوں کو شبنم کا ملا

اپنا ماضی یاد آیا ہے لئیقؔ

زخم دل کو جب کوئی تازہ ملا

kaun batlae ke kis ko kya mila

jis ki qismat mein jo likha tha mila

tark-e-mai noshi to main ne ki magar

ye bata zahid ke tujh ko kya mila

mar mitti duniya khushi ke nam par

gham na koi chahne wala mila

fikr mein andaz mein awaz mein

har bashar apni jagah tanha mila

ab nahin be los milne ka riwaj

jo mila wo apne matlab ka mila

simti simti har khushi ai nazar

bikhra bikhra gham ka shiraza mila

bankpan shayad usi ka nam hai

husn rangini mein bhi sada mila

sehn-e-gulshan mein wo kahlae gulab

khun jin phulon ko shabnam ka mila

apna mazi yad aya hai laiq

zakhm-e-dil ko jab koi taza mila