لڑ جاتے ہیں سروں پہ مچلتی قضا سے بھی

لڑ جاتے ہیں سروں پہ مچلتی قضا سے بھی

ڈرتے نہیں چراغ ہمارے ہوا سے بھی

برسوں رہے ہیں رقص کناں جس زمین پر

پہچانتی نہیں ہمیں آواز پا سے بھی

اب اس کو التفات کہوں میں کہ بے رخی

کچھ کچھ ہیں مہرباں سے بھی کچھ کچھ خفا سے بھی

چھپ کر نہ رہ سکے گا وہ ہم سے کہ اس کو ہم

پہچان لیں گے اس کی کسی اک ادا سے بھی

دل کانپ کانپ اٹھتا ہے عزم گناہ پر

مل جاتی ہے سزا ہمیں پہلے خطا سے بھی

اکثر ہوا ہے یہ کہ خود اپنی تلاش میں

آگے نکل گئے ہیں حد ماسوا سے بھی

lar jate hain saron pe machalti qaza se bhi

darte nahin charagh hamare hawa se bhi

barson rahe hain raqs kunan jis zamin par

pahchanti nahin hamen awaz-e-pa se bhi

ab us ko iltifat kahon main ke be rukhi

kuchh kuchh hain mehrban se bhi kuchh kuchh khafa se bhi

chhup kar na rah sakega wo ham se ke us ko ham

pahchan lenge us ki kisi ik ada se bhi

dil kanp kanp uthta hai azm-e-gunah par

mil jati hai saza hamen pahle khata se bhi

aksar hua hai ye ke khud apni talash mein

age nikal gae hain had-e-masiwa se bhi