جس آئینے میں بھی جھانکا نظر اسی سے ملی

جس آئینے میں بھی جھانکا نظر اسی سے ملی

مجھے تو اپنی بھی یارو خبر اسی سے ملی

بدل بدل کے چلا سمت و رہ گزر بھی مگر

وہ اک مقام کہ ہر رہ گزر اسی سے ملی

ہم ایسے کوئی ہنر مند بھی نہ تھے پھر بھی

وہ قدرداں تھا کہ داد ہنر اسی سے ملی

وہ کون ہیں جو بناتے ہیں اپنی دنیا خود

ہمیں تو رونے کو بھی چشم تر اسی سے ملی

عجب تھا شخص جو پھرتا تھا خود بنا تلوار

چلی جو تیغ تو مجھ کو سپر اسی سے ملی

قدم قدم پہ تھے رستے میں مہ وشوں کے ہجوم

ملی کسی سے تو جا کر نظر اسی سے ملی

نہ کشت زاروں میں دیکھا جسے نہ باغوں میں

ہر ایک فصل مگر فصل پر اسی سے ملی

تمام عمر گریزاں رہا تھا جس سے میں

قدم لحد میں جو رکھے کمر اسی سے ملی

بصیرت نگہ و دل پڑی نہیں ملتی

ملی جسے بھی یہ دولت عمرؔ اسی سے ملی

jis aine mein bhi jhanka nazar usi se mili

mujhe to apni bhi yaro khabar usi se mili

badal badal ke chala samt-o-rah guzar bhi magar

wo ik maqam ke har rah guzar usi se mili

ham aise koi hunar mand bhi na the phir bhi

wo qadardan tha ke dad-e-hunar usi se mili

wo kaun hain jo banate hain apni duniya-e-khud

hamen to rone ko bhi chashm-e-tar usi se mili

ajab tha shakhs jo phirta tha khud bana talwar

chali jo tegh to mujh ko sipar usi se mili

qadam qadam pe the raste mein mah washon ke hujum

mili kisi se to ja kar nazar usi se mili

na kisht-e-zaron mein dekha jise na baghon mein

har ek fasl magar fasl par usi se mili

tamam umr-e-gurezan raha tha jis se main

qadam lahad mein jo rakhe kamar usi se mili

basirat nigah-o-dil pari nahin milti

mili jise bhi ye daulat umar usi se mili