ہر اک کا درد اسی آشفتہ سر میں تنہا تھا

ہر اک کا درد اسی آشفتہ سر میں تنہا تھا

وہ ایک شخص جو سارے نگر میں تنہا تھا

وہ آدمی بھی جسے جان انجمن کہیے

چلا جب اٹھ کے تو سارے سفر میں تنہا تھا

جو تیر آیا گلے مل کے دل سے لوٹ گیا

وہ اپنے فن میں میں اپنے ہنر میں تنہا تھا

اس اک دئیے سے ہوئے کس قدر دئیے روشن

وہ اک دیا جو کبھی بام و در میں تنہا تھا

سنا ہے لٹ گیا کل رات راستے میں کہیں

جو ایک رہ گزری رہ گزر میں تنہا تھا

اٹھا یہ شور وہیں سے صداؤں کا کیوں کر

وہ آدمی تو سنا اپنے گھر میں تنہا تھا

ہر اک میں کوئی کمی تھی ہر اک میں تھا کوئی عیب

دھلا ہوا وہی بس آب زر میں تنہا تھا

نہ پا سکا کبھی تا عمر لطف تنہائی

عمر جو سارے جہاں کی نظر میں تنہا تھا

har ik ka dard isi ashufta sar mein tanha tha

wo ek shakhs jo sare nagar mein tanha tha

wo admi bhi jise jan-e-anjuman kahiye

chala jab uth ke to sare safar mein tanha tha

jo tir aya gale mil ke dil se laut gaya

wo apne fan mein main apne hunar mein tanha tha

is ik diye se hue kis qadar diye raushan

wo ik diya jo kabhi bam-o-dar mein tanha tha

suna hai lut gaya kal rat raste mein kahin

jo ek rah guzri rah guzar mein tanha tha

utha ye shor wahin se sadaon ka kyun kar

wo admi to suna apne ghar mein tanha tha

har ik main koi kami thi har ik main tha koi aib

dhula hua wahi bas ab-e-zar mein tanha tha

na pa saka kabhi ta umr lutf-e-tanhai

umar jo sare jahan ki nazar mein tanha tha