ہو گئے رخصت مرے ارمان ایسا کچھ نہیں

ہو گئے رخصت مرے ارمان ایسا کچھ نہیں

تیرا غم دل میں نہ ہو مہمان ایسا کچھ نہیں

اچھے اچھے تیرنے والوں کو دیکھا ڈوبتے

وقت کی ہم کو نہیں پہچان ایسا کچھ نہیں

میں کسی کا ہو کے تجھ کو بھول جاؤں کیا کہا

سچ تو یہ ہے میرا کہنا مان ایسا کچھ نہیں

اپنے اپنے راستے ہیں اپنی اپنی منزلیں

تیری مٹی میں ہو میری جان ایسا کچھ نہیں

ٹھیک ہے پروازؔ ہم کو مل نہ پائیں منزلیں

چھوڑ دیں امید کا میدان ایسا کچھ نہیں

ho gae rukhsat mire arman aisa kuchh nahin

tera gham dil mein na ho mehman aisa kuchh nahin

achchhe achchhe tairne walon ko dekha dubte

waqt ki ham ko nahin pahchan aisa kuchh nahin

main kisi ka ho ke tujh ko bhul jaun kya kaha

sach to ye hai mera kahna man aisa kuchh nahin

apne apne raste hain apni apni manzilen

teri mitti mein ho meri jan aisa kuchh nahin

thik hai parwaz ham ko mil na paen manzilen

chhor den ummid ka maidan aisa kuchh nahin