تیری ہی تصویر میں تیرا بدل ڈھونڈا گیا

تیری ہی تصویر میں تیرا بدل ڈھونڈا گیا

کتنی آسانی سے اک مشکل کا حل ڈھونڈا گیا

تجھ کو دنیا کی نگاہوں سے بچانے کے لیے

دل کے دریا کی تہوں میں اک محل ڈھونڈا گیا

دن مہینے سال کیا صدیاں خفا ہونے لگیں

پیار کرنے کے لیے جب ایک پل ڈھونڈا گیا

میں جو آنکھیں موند کر ڈوبا ہوں تیری یاد میں

ڈالنے کے واسطے کوئی خلل ڈھونڈا گیا

کیا کہیں پائیں گے ہم ایسی مثال جستجو

آنکھ کی تشبیہ کی خاطر کنول ڈھونڈا گیا

کچھ بہانا مجھ کو سولی پر چڑھانے کے لیے

آج ڈھونڈے گی یہ دنیا جو نہ کل ڈھونڈا گیا

پہلے کاغذ آنسوؤں سے نم کیا پروازؔ نے

پھر ادائے خاص سے تجھ کو غزل ڈھونڈا گیا

teri hi taswir mein tera badal dhunda gaya

kitni asani se ik mushkil ka hal dhunda gaya

tujh ko duniya ki nigahon se bachane ke liye

dil ke dariya ki tahon mein ik mahal dhunda gaya

din mahine sal kya sadiyan khafa hone lagen

pyar karne ke liye jab ek pal dhunda gaya

main jo ankhen mund kar duba hun teri yad mein

dalne ke waste koi khalal dhunda gaya

kya kahen paenge ham aisi misal-e-justuju

ankh ki tashbih ki khatir kanwal dhunda gaya

kuchh bahana mujh ko suli par charhane ke liye

aj dhundegi ye duniya jo na kal dhunda gaya

pahle kaghaz ansuon se nam kya parwaz ne

phir ada-e-khas se tujh ko ghazal dhunda gaya