دنیا میں وہی لوگ برے ہیں جو بھلے ہیں

دنیا میں وہی لوگ برے ہیں جو بھلے ہیں

ڈھونڈو گے اندھیرے تو چراغوں کے تلے ہیں

چھوڑا نہ گیا دھوپ میں جس پیڑ کا سایا

آندھی میں اسی پیڑ سے ہم بچ کے چلے ہیں

یہ دیکھیے پھر بھی نہ بدل پائی یہ دنیا

لوگوں نے تو بھولوں پہ بہت ہاتھ ملے ہیں

وہ بھی تو ہمیں چھوڑ کے رخصت ہوئے کب کے

ہم جن کے اندھیروں میں چراغوں سے جلے ہیں

اونچائیاں حاصل ہوئیں تقدیر سے جن کو

اک روز وہ سب لوگ بھی سورج سے ڈھلے ہیں

تقدیر نے ان کو بھی ستاروں پہ بٹھایا

پروازؔ جو انسان غریبی میں پلے ہیں

duniya mein wahi log bure hain jo bhale hain

dhundoge andhere to charaghon ke tale hain

chhora na gaya dhup mein jis per ka saya

andhi mein isi per se ham bach ke chale hain

ye dekhiye phir bhi na badal pai ye duniya

logon ne to bhulon pe bahut hath mile hain

wo bhi to hamen chhor ke rukhsat hue kab ke

ham jin ke andheron mein charaghon se jale hain

unchaiyan hasil huin taqdir se jin ko

ik roz wo sab log bhi suraj se dhale hain

taqdir ne un ko bhi sitaron pe bithaya

parwaz jo insan gharibi mein pale hain